एजेन्सी । स्विस खेलाडी रोजर फेडेरर इटालियन ओपन टेनिसको क्वाटरफाइनलमा प्रवेश गरेका छन् ।
बिहिबार राति भएको तेस्रो चरणको खेलमा बोर्ना कोरीचलाई पराजित गर्दै फेडेररले क्वाटरफाइनल यात्रा तय गरेका हुन् । उनले कोरीचलाई २-६,६-४ र ७-६ (९-७) को सेटमा पराजित गरे ।
अब फेडेररले क्वाटरफाइनलमा स्टेफानोस स्टिपाससंग खेल्ने छन् ।
यस्तै स्पेनिस राफायल नाडाल र सर्बियाका नोभाक जोकोभिक पनि क्वाटरफाइनलमा पुगेका छन् ।
नाडालले जर्जियाका निकोलोजलाई ६-१ र ६-० को सेटमा पराजित गर्यो । अब नाडालले स्पेनकै फर्नान्डो भर्डासकोसंग खेल्ने छन् ।
त्यस्तै विश्व नम्बर एक रहेका जोकोभिकले जर्मनीका फिलिप कोल्श्राइबरलाई ६-३ र ६-० को सेटमा हराएर क्वाटरफाइनलको यात्रा तय गरे ।
