बाँके । आठौं राष्ट्रिय खेलकुद प्रतियोगिता अन्तर्गत पुरुष फुटबलमा नेपाल पुलिस क्लब फाईनल प्रवेश गरेको छ । नेपालगञ्ज रंगशालामा भएको सेमिफाईनल खेलमा एपीएफलाई २-१ गोल अन्तरले पराजित गर्दै पुलिस फाईनल प्रवेश गरेको हो ।
विभागीय डर्बीमा पुलिसलाई जिताउन रवि पासवान र तेज तामाङले गोल गरे । एपीएफका आशिष लामाले एक गोल फर्काए । खेलको नवौ मिनेटमा रविले गोल गर्दै पुलिसलाई अग्रता दिलाए ।
उनले डि बक्स बाहिरबाट हानेको प्रहार दोस्रो बार हुँदै गोल भएको थियो ।
खेलको ३४ औ मिनेटमा पुलिसले अग्रतालाई दोब्बर बनायो । तेजले एकल प्रयासमा एपीएफका दुई डिफेन्डरलाई विट गर्दै गोल गर्न सफल रहे ।
७२ औ मिनेटमा एपीएफका आशिष लामाले गोल गर्दै एपीएफलाई खेलमा फर्काउने कोशिश गरेपनि त्यो सफल हुन सकेन ।
पुलिसले उपाधिका लागि अर्को विभागीय टिम आर्मीसंग भोली प्रतिस्पर्धा गर्नेछ ।
-1733129401.jpeg)
-1733125455.jpg)
