आर्मी उपाधि नजिक

दाङ । विभागीय टोली त्रिभुवन आर्मी क्लब आठौं राष्ट्रिय खेलकुद अन्तर्गत महिला फुटबलको फाइनलमा प्रवेश गरेको छ ।

दाङको बेलझुङ्डीमा मंगलबार भएको सेमिफाइनलमा प्रदेश ३ लाई ६-० गोल अन्तरले पराजित गर्दै आर्मीले फाइनल यात्रा तय गरेको हो ।

आर्मीको जितमा कृष्णा खत्री र शर्मिला थापाले दुई दुई गोल गरिन् । यस्तै बिमला चौधरी र इन्दिरा राईले एक एक गोल गरिन् ।

अब आर्मीले स्वर्ण पदकको लागि एपीएफ र नेपाल पुलिस क्लबबीचको विजेतासंग प्रतिस्पर्धा गर्नेछ ।