दाङ । आठौं राष्ट्रिय खेलकुद प्रतियोगिता अन्तर्गत पुरुष ४ सय मिटर हर्डल्समा एपीएफ क्लबका निर प्रताव महतोले स्वर्ण जितेका छन् ।
दाङको बेलझुन्डीमा सोमबार निर्धारित दुरी ४४ दशमलब ६० सेकेण्डको समय निकाल्दै निरले स्वर्ण हात पारे । आर्मीका जीवन चौधरीले ५६ दशमलब ४९ सेकेण्डको समयसहित रजत र आर्मीका अशोक कुवरले ५७ दशमलब ४४ सेकेण्डको समयसहित कास्य जिते ।
महिलातर्फ आर्मीकी तुलसा श्रेष्ठले स्वर्ण जितिन् । उनले १ मिनेटमा ९ दशमलब ७९ सेकेण्डको समय निकालिन् ।
यस्तै आर्मीकै तुलसा खत्रीले १ मिनेट ११ दशमलब १३ सेकेण्डसहित रजत र प्रदेश ४ की कल्पना श्रेष्ठले १ मिनेट १२ दशमलब ७८ सेकेण्डको समयसहित कास्य जितिन् ।
