दाङ । नेपाल पुलिस क्लब समूह विजेता बन्दै आठौं राष्ट्रिय खेलकुद प्रतियोगिता अन्तर्गत महिला फुटबलको सेमिफाइनलमा प्रवेश छन् ।
घोराहिमा भएको खेलमा पुलिसले प्रदेश नम्बर २ लाई ६-० गोल अन्तरले पराजित गर्दै पुलिस समूह 'ख' को विजेता बनेको हो ।
पुलिसको जितमा कप्तान निरु थापा र रन्जिता गुरुङले २-२ गोल गरिन् । यस्तै निशा सुनुवार र सिर्जना खड्काले एक एक गोल गरिन् ।
जितसंगै समूह विजेता बन्ने क्रममा पुलिसले ४ खेलमा १२ अंक जोड्यो ।
अब पुलिसले सेमिफाइनलमा समूह 'क' को उपविजेतासंग खेल्नेछ । यसै समूहको अन्तिम खेलमा आज प्रदेश देश ५ र ७ ले खेल्ने छन् ।
कपिलवस्तुमा भएको खेलमा प्रदेश ६ र १ ले एक- एकको बराबरी खेलेका छन् । दुवै टोली प्रतियोगिताबाट बाहिरिसकेका छन् ।
