एपीएफमाथि आर्मीको शानदार जित

कपिलबस्तु । आठौं राष्ट्रिय खेलकुद अन्तर्गत महिला फुटबलमा त्रिभुवन आर्मी क्लबले जित निकालेको छ ।

शनिबार भएको खेलमा आर्मीले विभागीय डर्बी क्लब एपीएफलाई ३-० गोल अन्तरले पराजित गरेको हो ।

आर्मीलाई जित दिलाउन शर्मिला थापा, इन्दिरा राई  र  कृष्णा खत्रीले एक एक गोल गरिन् ।

पहिलो हाफ गोलरहित बराबरीमा सकिएको खेलको दोस्रो हाफमा आर्मीले तीनै गोल गरेको थियो ।

जितसंगै एक खेल खेल्न बाँकी रहेको आर्मीले ९ अंक जोडेको छ । एपीएफको पनि ९ अंक रहेको छ । आर्मी र एपीएफ सेमिफाइनलमा पुगिसकेको छ ।

यस्तै प्रदेश १ को ३ अंक छ ।