पुरुष फुटबलमा पुलिसको जित

बुटवल । आठौं राष्ट्रिय खेलकुद अन्तर्गत पुरुष फुटबल प्रतियोगिताको विहिबार सम्पन्न खेलमा विभागिय टिम नेपाल पुलिसले जित निकालेको छ ।

देविनगरस्थित एन्फा एकेडेमी खेल मैदानमा बिहिबार भएको खेलमा पुलिसले सुदुरपश्चिमलाई ३–० गोल अन्तरले हराएको हो । 

पुलिसको जितमा भरत शाह, सन्तोष हेमरुन र रबि पासवानले गोल गरेका थिए । 

अर्को खेलमा कर्णाली प्रदेश र प्रदेश नं. २ ले ४–४ गोलको बराबरी खेल्दै अंक बाडेका छन ।