काठमाडौं । गोरखापत्रका खेल पत्रकार प्रजित शाक्यले उत्कृष्ट पत्रकारिता पुरस्कार प्राप्त गरेका छन् । शहीद दशरथ चन्द मेमोरियल ट्रष्टले शाक्यलाई आइतबार नगदसहित उत्कृष्ट खेल पत्रकारिताको पुरस्कार प्रदान गरेको हो ।
शहीद दशरथ चन्द मेमोरियल ट्रष्टले उत्कृष्ट लेख-रचनाको मूल्याङ्कन गरेर शाक्यलाई उत्कृष्ट पत्रकारिता पुरस्कार प्रदान गरेको हो । यसै बर्षबाट थालनी गरिएको यो पुरस्कारको राशि ५००१ रुपियाँ रहेको छ ।
शाक्यलाई युवा तथा खेलकुद मन्त्री जगतबहादुर सुनार (विश्वकर्मा) ले पुरस्कृत गरेका थिए ।
ट्रष्टले आइतबार शाक्यसहित क्रिकेटर सन्दीप लामिछाने लगायतका आठ खेलाडीलाई आइतबार दशरथ चन्द मेधावी खेलाडी प्रतिभा पुरस्कार प्रदान गरेको छ ।
