दाङ । एपीएफ क्लबका आशिष चौधरी र त्रिभुवन आर्मी क्लबकी सरस्वती चौधरीले राष्ट्रिय खेलकुद अन्तर्गत १०० मिटर दौडमा स्वर्ण जितेका छन् ।
दाङको बेलझुन्डीमा बिहिबार भएको १ मिटर दौडको पुरुषमा आशिषले प्रदेश ६ का याम साजन सुनारलाई पछि पार्दै स्वर्ण जितेका हुन् । स्वर्ण जित्ने क्रममा आशिषले निर्धारित दुरी ११.०० सेकेण्डमा पुरा गरे ।
रजतमा चित्त बुझाएका यामले निर्धारित दुरी ११.१० सेकेण्डमा पुरा गरे । याम सातौं राष्ट्रिय खेलकुदका स्वर्णधारी खेलाडी हुन् ।
यस्तै आर्मीका आनन्द देव चौधरीले ११.१५ सेकेण्डको समय निकाल्दै कास्य पदक हात पारे ।
महिलातर्फ स्वर्ण जित्ने क्रममा सरस्वतीले निर्धारित दुरी १२.१९ सेकेण्डमा पुरा गरेकी थिईन् ।
प्रदेश नम्बर ५ की जय रानी चौधरीले निर्धारित दुरी १२.३९ सेकेण्डमा पुरा गर्दै रजत र आर्मीकी कृष्णा चौधरीले १२.५२ सेकेण्डको समय निकाल्दै कास्य पदक जितिन् ।
