सावित्राको ह्याट्रिकमा एपीएफको शानदार जित

बाँके । विभागीय टिम एपीएफले आठौं राष्ट्रिय खेलकुदको महिला फुटबलमा विजयी सुरुवात गरेको छ । बुधबार भएको खेलमा एपीएफले प्रदेश १ लाई ६–० गोल अन्तरले हराएको हो ।

एपीएफको जितमा सावित्रा भण्डारीले ह्याट्रिक सहित चार गोल गरिन् । अनिता बस्नेत र अनिता केसीको नाममा एक एक गोल रह्यो ।

अर्को खेलमा प्रदेश नम्बर २ ले प्रदेश नम्बर ७ लाई ४–० ले हरायो । प्रदेश २ को जितमा निहिता थोकरले दुई, रजिना थोकरले एक र रोशनी लिम्बुले एक गोल गरिन् ।

अर्को खेलमा पुलिसले प्रदेश ३ लाई ४–० ले हरायो । पुलिसको जितमा अमृता जैशीले दुई र निर्मला विश्वकर्माले दुई गोल गरिन् ।