टेबलटेनिसमा श्यान्टु र नविताको जोडीलाई स्वर्ण

नेपालगञ्ज । आठौ राष्ट्रिय खेलकुद अन्तर्गत टेबलटेनिसको मिक्स डबल्समा श्यान्टु श्रेष्ठ र नविता श्रेष्ठको जोडीले स्वर्ण जितेको छ ।

शुक्रबार भएको फाइनलमा पुलिसका श्यान्टु र नविताको जोडीले पुलिसकै विनेश खनियाँ र एलिना महर्जनको जोडीलाई ८–११, १२–१०, ११–६ र ११–४ को सेटमा पराजित गरे ।

एपीएफका पुरुषोत्तम वज्राचार्य र सिक्का सुवाल तथा आर्मीका बोधित डिसी र दीक्षा तामाङको जोडीले तेश्रो स्थानमा चित्त बुझाए ।