हालेप मियामी ओपनको चौथो चरणमा

एजेन्सी । रोमानियाकी सिमोना हालेप मियामी ओपन टेनिसको चौथो चरणमा प्रवेश गरेकी छिन् ।

आइतबार राति भएको खेलमा सोल्भानियाकी पोलोना हेर्कोगलाई पराजित गर्दै हालेपले चौथो चरणमा स्थान बनाएकी हुन् ।

फ्लोरिडामा भएको खेलमा हालेपले  हेर्कोगलाई ५-७,७-६(७-१) र ६-२ को सेटमा पराजित गरिन् । यो जितसंगै हालेप विश्व नम्बरको नजिक समेत पुगेकी छिन् ।

अब हालेपले ७ पटकको ग्राण्डस्लाम विजेता भेनस विलियम्ससंग खेल्ने छिन् । भेनसले डारिया कासात्किनालाई पराजित गरेकी थिईन्  ।