एजेन्सी । शीर्ष वरियताका सर्बियन नोभाक जोकोभिच इण्डियन वेल्स टेनिसको तेस्रो चरणबाट बाहिरिएका छन् ।
क्यालिफोर्नियामा बुधबार भएको खेलमा जर्मनीका फिलिप कोल्सश्राबरसंग पराजित हुँदै जोकोभिच बाहिरिएका हुन् । ३९ औं वरियताका कोल्सश्राबरले जोकोभिचलाई ६-४ र ६-४ को सोझो सेटमा पराजित गरे ।
अब कोल्सश्राबरले फ्रान्सका १८ औं वरियताका गाल मोनफिल्ससंग खेल्ने छन् ।
महिलातर्फ पनि दोस्रो वरियताका सिमोना हालेप बाहिरिएकी छिन् ।
रोमानियाकि हालेप बिना वरियता प्राप्त खेलाडी मार्केटा भोन्द्रोउसोभासंग पराजित भए । १९ बर्षीय भोन्द्रोउसोभाले हालेपलाई ६-२, ३-६ र ६-२ को सेटमा पराजित गरिन् ।
यस्तै विश्व नम्बर एक जापानिज नाओमी ओसाका बेलिन्डा बेनिसिससंग ६-३ र ६-१ ले पराजित भईन् ।
