नाडाल र फेडेरर इण्डियन वेल्सको तेस्रो चरणमा

एजेन्सी । स्पेनिस राफायल नाडाल र स्विस खेलाडी रोजर फेडेरर इण्डियन वेल्स मास्टर्स टेनिसको तेस्रो चरणमा प्रवेश गरेका छन् ।

अमेरिकाको क्यालिफोर्नियामा सोमबार भएको खेलमा नाडालले घरेलु खेलाडी जेरेड डोनाल्डसनलाई पराजित गरे । दोस्रो वरियताका नाडालले डोनाल्डसनलाई ६-१ र ६-१ को सेटमा पाखा लगाए ।

अब नाडालले तेस्रो चरणमा डिएगो स्वार्टम्यानसंग खेल्ने छन् ।

यस्तै चौथो वरियताका फेडेररले जर्मनीका पिटर गोजोवस्कीलाई ६-१ र ७-५ को सेटमा पराजित गरे ।

महिलातर्फ सेरेना विलियम्स र जोहन्ना कोन्टा बाहिरिएकी छिन् ।

सेरेना जर्मनीका गार्बिन मुगुरुजासंगको खेलका दौरान रिटायर्ड हुँदै प्रतियोगिताबाट बाहिरिएकी हुन् । रिटायर्ड हुनु अघि पहिलो सेट सेरेनाले ६-१ ले गुमाएको थिइन् । यस्तै दोस्रो सेटमा सेरेना ३-० ले अघि रहेकी थिईन् ।

ब्रिटिस नम्बर एक खेलाडी कोन्टालाई किकि बेर्टेन्सले ७-६ (१२-१०) र ६-४ को सेटमा पाखा लगाए ।