आठौंका लागि लनटेनिसबाट ८ खेलाडी छनोट

काठमाडौं । आठौं राष्ट्रिय खेलकुदका लागि प्रदेश ३ को लनटेनिस खेलाडी छनोट पूरा भएको छ ।

 

प्रदेश नम्बर ५ मा आयोजना हुने आठौंका लागि प्रदेश ३ बाट पुरुषमा ५ र महिलामा ३ खेलाडी छनोट भएका छन् ।

 

पुरुषमा भक्तपुरका कृष्णगोविन्द कासुला, काठमाडौंका शिवराम राना मगर, ललितपुरका निशान श्रेष्ठ, ललितपुरकै इभेक जोशी र मकवानपुरका कुमार जिसी छनोट भए ।

 

महिलामा ललितपुरकी प्रकृति श्रेष्ठ, ललितपुरकै रायना शाह र काठमाडौंकी अल्शा रेग्मी छानिए ।