फेडेरर शतकीय उपाधि नजिक

एजेन्सी । स्विस खेलाडी रोजर फेडेरर दुबई ड्युटी फ्री टेनिस च्याम्पियनसिपको उपाधि नजिक पुगेका छन् ।

शुक्रबार राति भएको सेमिफाइनलमा क्रोएसियाका बोर्ना कोरीकलाई पराजित गर्दै फेडेरर उपाधि नजिक पुगेका हुन् ।

फाइनल प्रवेश गर्ने क्रममा दोस्रो वरियताका फेडेररले कोरिकलाई ६-२ र ६-२ को सोझो सेटमा पराजित गरे ।

योसंगै फेडेरर शतकीय उपाधिको नजिक समेत पुगेका छन् । फाइनलमा फेडेररले ग्रिसका स्टेफानोस टिस्टीपाससंग खेल्नेछ । 

उक्त फाइनल जिते फेडेररले करियरको १०० औं उपाधि उचाल्ने छन् ।