इङ्ग्ल्यान्डले न्युजिल्यान्ड र कोस्टारिका खेल्ने

काठमाडौं। इङ्ग्ल्यान्डले जुन महिनामा न्युजिल्यान्ड र कोस्टारिकासँग मैत्रीपूर्ण खेल खेल्ने भएको छ।

टोमस टुचेलको टोलीले जुन ६ मा टाम्पाको रेमन्ड जेम्स स्टेडियममा न्युजिल्यान्डसँग खेल्ने भएको हो। जुन १० मा ओरलान्डोस्थित इन्टर एन्ड को स्टेडियममा कोस्टारिकासँग प्रतिस्पर्धा गर्नेछ।

इङ्ग्ल्यान्डले जुन र जुलाई महिनामा संयुक्त राज्य अमेरिका, क्यानडा र मेक्सिकोले संयुक्त रूपमा आयोजना गर्ने विश्वकपका लागि आफ्नो तयारी दक्षिण फ्लोरिडामा गर्नेछ।

सम्पूर्ण प्रतियोगिताका लागि भने टोलीको क्याम्प मिसौरीको क्यान्सस सिटीमा रहनेछ। इङ्ग्ल्यान्ड समूह ‘एल’ मा क्रोएसिया, घाना र पानामासँग परेको छ। उसका खेलहरू डलास, बोस्टन र न्युयोर्क/न्युजर्सीमा हुनेछन्।

रेमन्ड जेम्स स्टेडियमले सन् २०२१ मा सुपर बाउल एलभी आयोजना गरेको थियो। यो एनएफएल टोली टाम्पा बे बुकेनियर्सको घरेलु मैदान हो।

एमएलएस टोली ओरलान्डो सिटी र एनडब्लुएसएलको ओरलान्डो प्राइडले इन्टर एन्ड को स्टेडियममा आफ्ना खेलहरू खेल्छन्।