मियामीलाई मेसीले जोगाउन सकेनन्

काठमाडौं। लिओनल मेसीले आफ्नो नयाँ घरेलु रंगशालाको बहुप्रतीक्षित उद्घाटन खेलमा गोल गरे भने लुइस सुआरेजले दोस्रो हाफको अन्त्यतिर बराबरी गोल फर्काए।

यसले इन्टर मियामीलाई एक अंक जोगाउन पर्याप्त बन्यो। मेसीले १०औं मिनेटमा हेडरमार्फत गोल गरे भने सुआरेजले ८२औं मिनेटमा भली प्रहार गर्दै गोल गरे। यससँगै इन्टर मियामीले शनिबार राति मियामी अन्तर्राष्ट्रिय विमानस्थलनजिक निर्माणाधीन रंगशालामा अस्टिन एफसीसँग २–२ को बराबरी खेलेको छ।

इन्टर मियामीले पछिल्ला पाँच एमएलएस खेलमा अपराजित यात्रा कायम राखेको छ भने अस्टिनले पछिल्ला चार खेलमा जित निकाल्न सकेको छैन। एमएलएस कमिश्नर डन गार्बर पनि उक्त खेलमा उपस्थित थिए। उ

उनले १३ वर्षअघि मियामीलाई रोजेका डेभिड बेकह्यामको प्रयासको प्रशंसा गरे। इन्टर मियामी अहिले एमएलएसको सातौं सिजनमा छ र मेसीसँग तेस्रो सिजन बिताइरहेको

खेलमा इन्टर मियामीले अग्रता लिन सकेन। अस्टिनले छैटौं मिनेटमा गुइल्हेर्मे बिरोको गोलमार्फत अग्रता लिएको थियो, जुन न्यु स्टेडियममा पहिलो गोल थियो। त्यसपछि ५३औं मिनेटमा जेडेन नेल्सनले गोल गर्दै टोलीलाई २–१ को अग्रता दिलाए।

मेसी र सुआरेजले बराबरी गोल फर्काए पनि अन्तिम समयमा इन्टर मियामीले जित निकाल्ने केही अवसर गुमायो। ८७औं मिनेटमा मातेओ सिल्भेट्टीले पाएको उत्कृष्ट अवसरमा उनले सिधै प्रहार गर्दा बल माथि गयो।

‘हामीलाई थाहा छ लियो कति खतरनाक छन्, बलबिना पनि उनी विपक्षीका लागि समस्या हुन्छन्,’ इन्टर मियामीका डिफेन्डर म्याक्सी फाल्कनले खेलपछि भने, ‘लुइस पनि बक्सभित्र हुँदा निकै घातक हुन्छन्, र उनले फेरि प्रमाणित गरे।’

९०औं मिनेटमा मेसीको फ्रिकिकमा सुआरेजले फेरि गोल गरेपनि अफसाइडको निर्णय दिइयो। त्यसपछि करिब तीन मिनेटपछि मेसीको प्रहारलाई अस्टिनका गोलकिपर ब्राड स्टुभरले उत्कृष्ट बचाउ गर्दै खेल २–२ मै रोकियो।