‘रोनाल्डोबिना पोर्चुगलसँग विपक्षी टोली डराउँदैनन्’

काठमाडौं। प्रशिक्षक जोसे मोरिन्होले क्रिस्टियानो रोनाल्डोबिना पोर्चुगल साधारण स्तरको टोली जस्तो देखिएको दाबी गरेका छन्।

मेक्सिकोसँग निराशाजनक बराबरी खेलेपछि उनले उक्त टिप्पणी गरेका हुन्। ‘रोनाल्डोलाई हटाउँदा पोर्चुगल कुनै साधारण टोलीजस्तै देखिन्छ,’ उनले भने।

मांसपेशी चोटका कारण रोनाल्डो अहिले मैदान बाहिर छन्। उनको अनुपस्थितिमा पोर्चुगलले मोरक्कोसँग गत शनिबार गोलरहित बराबरी खेलेको थियो। उनको स्थानमा गोन्कालो रामोसले अग्रपंक्ति सम्हालेका थिए।

जुनमा हुने विश्वकप नजिकिँदै गर्दा मोरिन्होले रोनाल्डोबिना पोर्चुगलको प्रदर्शनलाई निकै कमजोर माने। ‘समर्थक उनलाई टोलीमा नबोलाउन भन्छन्। उनले खेलेनन् र तपाईंले नतिजा देख्नुभयो। कुनै खतरा देखिएन, विपक्षीमा कुनै डर थिएन। रोनाल्डो मैदानमा हुँदा विपक्षीले दुई पटक सोच्न बाध्य हुन्छन्,’ उनले भने।