समूह चरणबाटै बाहिरियो नेपाल

काठमाडौं। नेपाल आईसीसी टी–२० महिला विश्वकप छनोटको समूह चरणबाटै बाहिरिएको छ।

स्कटल्यान्डसँग ७२ रनले पराजित भएसँगै नेपाल अघिल्लो चरणमा पुग्न असफल भएको हो। १४१ रनको लक्ष्य पछ्याएको नेपालले १३.५ ओभरमा ९ विकेट गुमाउँदै ६८ रन मात्र बनाउन सक्यो।

नेपालले ४ खेलमा एक जितसहित २ अंक मात्र बटुल्न सक्यो। नेदरल्यान्ड्स र स्कटल्यान्डले समान ६ तथा थाइल्यान्डले ४ अंक जोडे। यी तीन टोली समूह ‘बी’ बाट सुपर सिक्समा प्रवेश गरे। जिम्बाब्वे भने सबै चार खेलमा पराजित हुँदै यसअघि नै बाहिरिसकेको थियो।

स्कटल्यान्डबाट अब्ताहा मक्सुदले ३ विकेट लिइन्। उनले ४ ओभरमा १४ रन खर्चिइन्। क्याथ्रिन ब्रिसले २ विकेट लिइन् भने राचेल स्लेटर र ओलिभिया बेलले समान १ विकेट राखिन्।