शुभमन गिल ‘वान डे’का नयाँ कप्तान

काठमाडौं । भारतले वान डे क्रिकेटको नयाँ कप्तानको रुपमा शुभमन गिललाई जिम्मेवारी दिएको छ ।

रोहित शर्माको स्थानमा भारतले गिललाई वान डे क्रिकेटको नयाँ कप्तान बनाएको हो ।

श्रेयस अय्यरलाई उपकप्तानको जिम्मेवारी दिईएको छ ।

नयाँ कप्तानको नियुक्तिको विषयलाई लिएर एकदिवसीय क्रिकेटमा भारतीय टोलीको नेतृत्व परिवर्तनको रुपमा भारतीय मिडियाले ब्याख्या गरेका छन् ।

अष्ट्रेलिया भ्रमणमा निस्कन लागेको भारतले नयाँ टिमको घोषणा गरेको छ । अष्ट्रेलियामा भारतले तीन एकदिवसीय र पाँच टी ट्वान्टी अन्तराष्ट्रिय खेल्नेछ ।

भारतले आफ्नो अन्तिम एकदिवसीय खेल सन् २०२५ को आईसीसी च्याम्पियन्स ट्रफी खेलेको थियो । रोहित शर्मा नेतृत्वमा भारतीय टोलीले न्युजिल्याण्डलाई हराएर उपाधि जितेको थियो ।

सो उपाधि जितेको भारतीय टिमका ५ खेलाडी अष्ट्रेलिया भ्रमणमा रहने छैनन् । ती खेलाडीमा रविन्द्र जडेजा, हार्दिक पाण्डेया, मोहम्मद सामी, वरुण चक्रवर्ती र ऋषभ पन्त छन् ।

उनीहरुको स्थानमा यशस्वी जयसवाल, नितिश कुमार रेड्डी, प्रसिद्ध कृष्ण, मोहम्मद सिराज र ध्रुव जुरेललाई एकदिवसीय टोलीमा राखिएको छ ।

भारतीय टोलीः शुभमन गिल कप्तान, श्रेयस अय्यर उपकप्तान, रोहित शर्मा, विराट कोहली, केएल राहुल विकेटकीपर, नितिश कुमार रेड्डी, अक्षर पटेल, वाशिंगटन सुन्दर, ध्रुव जुरेल विकेटकीपर, कुलदीप यादव, कृष्णा मोहम्मद सिंह, हर्षित सिंह, यशराज सिंह, यशराज सिंह, कृष्णराज जैसवाल।