प्रधानमन्त्री भन्छन्– एनपीएल रोकिँदैन

काठमाडौं। प्रधानमन्त्री केपी शर्मा ओलीले नेपाल प्रिमियर लिग (एनपीएल)का विषयमा राजनीति भइरहेको भन्दै नरोकिने बताएका छन्।  

‘नेसनल हाइ पर्फमेन्स सेन्टर एन्ड स्पोर्टस् साइन्स ल्याब’को बिहीबार उद्घाटन गर्दै उनले खेल क्षेत्रमा राजनीतिक भइरहेको बताउँदै एनपीएलको तयारी तीव्र बनाउन निर्देशन दिए।

‘जसरी क्रिकेटको क्रेज बढेको छ, यो हाम्रो नेसनल प्राइड हो। देशमा त्यसरी नै एनपीएललाई अगाडि लैजानुपर्छ। यसलाई राष्ट्रियस्तरमा बढाउनुपर्छ। एनपीएलको भव्य तयारी गर्नुस्। यसको आयोजना गर्नुस्। यो खेलिनुपर्छ,’ उनले भने।

पछिल्लो समय एनपीएललाई लिएर राष्ट्रिय खेलकुद परिषद् (राखेप) र नेपाल क्रिकेट संघ (क्यान)बीच विवाद छ। एनपीएलको हिसाबकिताबका नदेखिएको भन्दै दुई निकायबीच भइरहेको विवादमा ओलीले हात हालेका हुन्।