टी–२० विश्वकप छनोट : नेपालको समूहमा कुवेत र जापान

काठमाडौं। नेपाल टी–२० विश्वकप एसियाली तथा पूर्वी एसियाली क्षेत्रीय छनोटमा कुवेतसँगै एकै समूहमा परेको छ।

अन्तराष्ट्रिय क्रिकेट परिषद (आइसिसी) ले बिहीवार सार्वजनिक गरेको समूह विभाजनमा नेपाल र कुवेत समूह बी मा परेका हुन्। यो समूहमा जापान पनि छ।

खेल ८ देखि १७ अक्टोबरसम्म आयोजना हुनेछ। प्रतियोगितामा सहभागी ९ टोलीलाई तीन समूहमा विभाजन गरिएको छ।

हरेक समूहका शीर्ष २ टोलीले सुपर सिक्समा स्थान बनाउने छन्। शीर्ष ३ टोलीले विश्वकपमा स्थान बनाउने छन् ।