शानदार जित सहित नेपाल सेमिफाइनलमा

काठमाडौं । नेपाल एसीसी मेन्स यू–१६ इस्ट जोन कप क्रिकेटको सेमिफाइनलमा प्रवेश गरेको छ ।

मलेसियामा जारी प्रतियोगितामा आईतबार इन्डोनेसियालाई ३ सय ७० रनको ठुलो अन्तरले हराउँदै नेपालले सेमिफाइनलको यात्रा तय गरेको हो । 
लगातार तेस्रो जित निकाल्ने क्रममा नेपालले इन्डोनेसियालाई सहजै हरायो ।

समूह चरणको खेलमा नेपालले सिंगापुर, जापान र इन्डोनेसियालाई पराजित गरेको हो । समूह चरणको अन्तिम खेलमा नेपालले अब भुटानसँग खेल्नेछ ।

प्रशिद्ध जैसीको १ सय ३२ रनको शानदार इनिङ्स र बिपिन शर्माले ६ विकेट चट्काएपछि नेपालले इन्डोनेसियामाथि ३ सय ७० रनको जित निकालेको हो ।

नेपालले प्रस्तुत गरेको ४ सय २१ रनको लक्ष्य पछ्याएको इन्डोनेसिया २४ दशमलव ३ ओभरमा अलआउट हुँदै ५० रनमात्र बनाउन सक्यो । 

इन्डोनेसियालाई सस्तैमा समेट्न बिपिन प्रसाद शर्माले ६ विकेट लिए । उनले १२ ओभर बलिङ गर्दै २ मेडन ओभर फाल्दै १२ रन खर्चिएर ६ विकेट लिएका हुन् । संगम बुढाथोकी र शुभम खनालको नाममा एक एक विकेट रह्यो । 

इन्डोनेसियाका काभिन चड्डाले १५ र दिभित नन्दाले १४ रनको दोहोरो स्कोर छुन सके । बाँकी एक अंककै स्कोरमा पवोलियन फर्किए ।

पहिले ब्याटिङ गरेको नेपालले निर्धारित ५० ओभरमा ५ विकेट गुमाएर ४ सय २० रनको स्कोर खडा गर्यो । प्रशिद्ध जैसीले १ सय ३२ रनको शानदार ईनिङ्स खेले । उनले १ सय १४ बलको सामाना गर्दै १५ चौका र १ छक्काको मदतले सो रन खडा गरेका थिए । 

यस्तै, रौनक श्रीवास्तवले ८८ र परिमार्जन यादवले ७१ रन बनाए । जोए थापाले ५७ रनको योगदान दिए । 

सिवान्सी बजगाई ४ रनमा पोविलियन फर्किएका थिए । सुगम बुढाथोकीले अविजित ३९ रन बनाए । रोशन साही १० रनमा अविजित रहे ।