काठमाडौं। नेपालले एएफसी महिला एसियन कप छनोट २०२६ मा पहिलो खेल लाओससँग खेल्ने भएको छ।
एसियाली फुटबल महासंघ (एएफसी)ले सार्वजनिक गरेको खेलतालिका अनुसार नेपालले पहिलो खेलमै लाओस प्रतिद्वन्द्वी पाएको हो। यी दुईबीचको खेल २९ जुनमा हुनेछ।
मलेसियाको क्वालालम्पुरस्थित एएफसी हाउसमा बिहीबार गरिएको समूह विभाजनमा नेपाल र लाओस समूह ‘एफ’ मा परेका छन्। यो समूहमा उज्बेकिस्तान र श्रीलंका पनि छन्।
यो समूहको खेल उज्बेकिस्तानमा हुने तय छ। नेपाल फिफा वरीयतामा ९९औं स्थानमा छ। लाओस भने आठ स्थान तल अर्थात् १०७औं स्थानमा छ। नेपालले दोस्रो खेल श्रीलंका र अन्तिम खेल घरेलु टोली उज्बेकिस्तानसँग खेल्नेछ। समूहको शीर्ष स्थानमा रहने टोलीले अस्ट्रेलियामा हुने एसिया कपमा स्थान बनाउने छ।
-1743350550.webp)
