सोमालिया र रुवान्डाको टिम हेरिसकेका प्याट्रिक काठमाडौंको मुख्य प्रशिक्षक

काठमाडौं। नेपाल सुपर लिग (एनएसएल) फ्रेन्चाइज काठमाडौं रेजर्सले बेल्जियमका प्याट्रिक डे विल्डेलाई मुख्य प्रशिक्षकमा नियुक्त गरेको छ।

काठमाडौंले एनएसएलको तेस्रो संस्करणका लागि ६० वर्षीय विल्डेलाई भित्र्याएको हो।

उनले पछिल्लोपल्ट सोमालिया राष्ट्रिय फुटबल टोली सम्हालेका थिए। उनीसँग  रुवान्डाको टोली सम्हालेको अनुभव पनि छ।

यस्तै, उनले चीनको यु–२३ टोली सम्हालुनका साथै अल्जेरिया र हंगेरीको सहायक प्रशिक्षकका रूपमा काम गरिसकेका छन्।  

काठमाडौं पहिलो संस्करणको विजेता हो। रोहन कार्की मार्की रहेको टोलीले मिनी अक्सनबाट दिनेश हेन्जन, जिलेस्पिजंग कार्की, आशिष चापागाईं, दिपेश गुरुङ,  कुलदीप कार्की, अन्जल महर्जन, अभिषेक बराल, कमल श्रेष्ठ र दिवाकर चौधरीलाई भित्र्याएको छ।