विभागीय डर्बीमा पुलिसलाई हराउँदै आर्मी सेमिफाइनलमा

काठमाडौं। विभागीय डर्बीमा नेपाल पुलिस क्लबलाई हराउँदै त्रिभुवन आर्मी क्लब केपी ओली कप फुटबल प्रतियोगिताको सेमिफाइनलमा प्रवेश गरेको छ। 

सादोबाटोस्थित एन्फा कम्प्लेक्समा सोमबार भएको खेलमा आर्मीले पुलिसलाई २-० ले पराजित गरेको हो। 

आर्मीका नवयुग श्रेष्ठ र दिनेश हेम्जनले गोल गरे। नवयुगले १९औं र दिनेशले ८१औं मिनेटमा गोल गरेका हुन्।