अदालतको अवहेलना गर्दै विधान संशोधन

काठमाडौं । विधान संशोधन रोक्न उच्च अदालत पाटनले दिएको अन्तरिम आदेशविरुद्ध नेपाल ओलम्पिक कमिटि एनओसीको साधारण सभाले विधान संशोधन गरेको छ । 

मंगलबार बिहान एनओसी भवनमा बसेको साधारण सभाले विधान संशोधनको निर्णय गरेको हो । 

सदस्यताको माग गर्दै अदालत गएका नेपाल रग्वी संघ सहित चार खेल संघको रिटमाथि सुनुवाई गर्दै अदालतले विधान संशोधन रोक्न अन्तरिम आदेश दिएको थियो । 

आदेशको अपहेलना गर्दै एनओसीको साधारण सभाले विधान संशोधनको निर्णयलाई पारित गराएको छ । विधान संशोधन गरेर तेस्रो पटक अध्यक्ष बन्ने दाउमा रहेका जीवनराम श्रेष्ठले मंगलबार साधारण सभा बैठक बोलाएका थिए ।