काठमाडौं । विश्व फुटबलको सर्वोच्च निकाय फिफाका अध्यक्ष जियानी ईन्फान्टिनोले सहिद स्मारक ए डिभिजन लिगको विजेता मनाङ मस्र्याङ्दी क्लबलाई बधाई दिएका छन् ।
अखिल नेपाल फुटबल संघ एन्फाका अध्यक्ष कर्माछिरिङ शेर्पालाई पत्र लेख्दै फिफा अध्यक्ष ईन्फान्टिनोले कीर्तिमानी आठौँ पटक लिग जितेको मनाङलाई शुभकामना सन्देश पठाएका हुन् ।
उनले लिग विजेता टोलीका खेलाडी, प्रशिक्षक, प्राविधिक, व्यवस्थापक र मेडिकल टिमका सदस्यका साथै सम्पुर्ण खेल प्रशंसकलाई शुभकामना सन्देशमा समेटेका छन् ।
फुटबलबाट सकारात्मक सन्देश दिन क्लब र फुटबल संघले खेलेको भुमिकाको उनले प्रशंसा गरेका छन् । करिब पाँच बर्षपछि सुरु भएको सहिद स्मारक ए डिभिजन लिगको उपाधि मनाङले जितेको थियो ।
