झापा । राष्ट्रिय महिला फुटबल टिमकी खेलाडी प्रिती राई नगदसहित सम्मानित भएकी छन् ।
किराँत राई यायोक्खा, शिबसताक्षी नगर समितिले आयोजना गरेको उभौली साकेलाको अवसरमा आयोजना गरेको साँस्कृतिक कार्यक्रममा राई नगद रकम सहित सम्मानित भएकी हुन् ।
राईलाई किराँत राई यायोक्खा, शिबसताक्षी नगर समितिले ३८ हजार ७ सय रुपैयाँ सहित सम्मानपत्रले सम्मान गरेको थियो ।
यायोक्खा, शिबसताक्षी नगर समितिका अध्यक्ष पशुराम रिङगालुङ राईको अध्यक्षताम भएको कार्यक्रममा प्रिती राईलाई शिबसतक्षी–८ को वडा कार्याालयले समेत १५ हजारसहित सम्मानपत्रले सम्मान गरिएको थियो ।
त्यसैगरी, सतासीधाम जेसिज र नगर खेलकुद विकास समिति शिबसताक्षीले क्रमशः सम्मानपत्रद्धारा सम्मान गरेको थियो ।
प्रिती राई नेपालको राष्ट्रिय महिला फुटबलकी प्रभावशाली खेलाडी हुन् । प्रितीकै उच्च प्रर्दशनले नेपालको महिला फुटबल टिमले अन्तराष्ट्रिय फुटबलमा उत्कृष्ट प्रर्दशन गर्दै आईरहेको छ ।
-1734879364.jpg)
-1734875597.jpg)
