एथ्लेटिक्समा फुलमतिको प्रर्दशनमा सुधार

काठमाडौं । नेपालकी फूलमति रानाले हानझाओमा जारी १९औं एसियाली खेलकुदको १५ सय मिटर दौडमा १५औं स्थानमा टुंगाएकी छन् ।

१७ जना सहभागी स्पर्धामा फुलमति १५ औं भएकी हुन् ।

उनले निर्धारित दूरी ४ मिनेट ३७ दशमल ६४ सेकेन्डमा पूरा गर्दै आफ्नो उत्कृष्ट प्रदर्शनको समयमा सुधार गरिन् ।

यसअघि उनले सन् २०२३ मा थाइल्यान्डको बैंककमा सम्पन्न एसियन च्याम्पियनसिपमा चार मिनेट ४९ दशमलव २२ सेकेन्डको समयमा दौड पूरा गरेकी ।

आइतबार फुलमतिले लाओस र पाकिस्तानकी खेलाडीलाई पछि पारिन् ।

यस विधामा बहराइनकी मुतिल विनफ्रेडले स्वर्ण, भारतकी हरमिलन बेइन्सले रजत र बहराइनकै हिरपातो मार्ताले कांस्य जितिन् ।