काठमाडौं । पल्सर सहिद स्मारक ए डिभिजन लिगमा पहिलो हाफको खेल सकिदाँ संकटा युथ क्लब र बिग्रड ब्वाईजले बराबरी खेलेका छन् । एपीएफको हलचोक मैदानमा दशौ चरणको खेल जारी रहदाँ पहिलो हाफमा दुवै टोलीले १÷१ गोल गरेका छन् ।
खेलको १३ औ मिनेटमा संकटाले अमित तामाङको पेनाल्टी गोलबाट अग्रता लिएको थियो । संकटाका विदेशी खेलाडी म्याक्सवेललाई ब्रिगेडका रन्दिप पौडेलले डिबक्स भित्र लडाँएपछि प्राप्त पेनाल्टीमा अमित गोल गर्न सफल भएका थिए ।
२८ औ मिनेटमा ब्रिगेडले बराबरी गोल फर्कायो । संकटाका डिफेन्सले क्लियर गर्न नसकेको बलमा जय गुरुङले अनिल राईको पास सदुपयोग गर्दै शक्तिशाली प्रहार सिधै गोल गर्न सफल भएका थिए ।
खेलको ४१ औ मिनेटमा बिग्रेडका अब्दु करिमको हेड बल पोस्ट नजिकैबाट बाहिरिएको थियो ।
पहिलो हाफमा तुलनात्मक रुपमा संकटा भन्दा बिग्रेडले राम्रो प्रर्दशन गरिरहेको छ । संकटा २४ अंक सहित तालिकाको दोस्रो स्थानमा रहदाँ ब्रिगेड ५ अंक सहित तालिकाको १३ औ स्थानमा छ ।
