काठमाडौं । भोली असार ३ गते आईतबार नेपालको ३ विभिन्न खेलका राष्ट्रिय टोली एकै दिन मैदान उत्रने भएका छन् ।
आईतबार अपरान्ह पौने १ मा नेपालको पुरुष राष्ट्रिय टोलीले आइसीसी क्रिकेट विश्वकप २०२३ को छनोटमा आफ्नो पहिलो खेल खेल्दैछ । उक्त खेल मध्यान्ह पौने १ बाट सुरु हुनेछ ।
आईतबार नै नेपालको पूरुष राष्ट्रिय भलिबल टोलीको काभा पुरुष च्यालेन्ज कपमा पहिलो खेल रहेको छ । काभा पुरुष च्यालेन्ज कपको आफ्नो पहिलो खेलमा नेपालले मंगोलियासँग खेल्दै छ । खेल दिउँसो पौने २ बाट किर्गिस्तानमा सुरु हुदैछ ।
असार ३ मा नै साँझ पौने ५ मा नेपालको पुरुष बास्केटबल राष्ट्रिय टोलीले फाइभ नेसन च्याम्पियनसिपको अन्तिम लिग खेल खेल्दैछ ।
फाइभ नेसन च्याम्पियनसिपको अन्तिम लिग खेलमा नेपालले घरेलु टोलीसँग खेल्दैछ । यो प्रतियोगिता माल्दिभ्समा जारी रहेको छ ।
