काठमाडौं । एसियन गेम्सको दोस्रो चरणको छनौट अन्तर्गत आज भएको खेलमा पुरुष ४८ किलो तौल समुहमा नेपाल प्रहरीका चन्द्र थापाले आर्मीका सुसिल थापालाई स्पिलिट डिसिजनको आधारमा पराजित गर्दै दोस्रो चरणको छनौट पार गर्न सफल भएका छन् ।
त्यसै गरी ५७ किलो तौल समुहमा यचटुओका बुद्ध ग्याल्मो लामाले टिएसीका पुरन सुनुवारलाई ५ः० को आधारमा पराजित गरे । पुरुष ७१ किलो तौल समुहमा आर्मीका दिपेश लामाले लुम्बिनिका विकास रानामगरलाई ५:० को आधारमा पराजित गरे त्यसै गरी पुरुष ८० किलो तौल समुहमा आर्मीका दिपक श्रेष्ठले एपीएफका समन कार्कीलाई ५:० को आधारमा पराजित गरे भने पुरुष ९२ किलो तौल समुहमा एपीएफका रविन नेपालले आर्मीका महेन्द्र केसीलाई स्पिलिट डिसिजनको आधारमा पराजित गरे ।
त्यसै गरी महिला ५० किलो तौल समुहमा यचटूओका अस्मिता दुआलले लुम्बिनिका माया केसीलाई युनानिमस डिसिजन ५:० को आधारमा पराजित गरे भने ५४ किलो महिला तर्फ आर्र्मीका मिनु गुरुंङ्गले स्पिलिट डिसिजनको आधारमा सन्जुमाया थिङ्गलाई पराजित गरे । त्यसै गरी ५७ किलो तौल समुहमा आर्मीका चन्द्रकला थापाले एपीएफका निता गोसाईलाई ५:० को आधारमा पराजित गरे भने आर्मीका बर्षा श्रेष्ठले दोसो राउण्डमा एबीडीमा विजय हासिल गरे । आर्मीका निरु गुरुङ्गले एपीएफ का माया चौधरीलाइए ५:० को आधारमा पराजित गरे । एपीएफका मनिता राईले आर्मीका संगिता दंगाललाई स्पिलिट डिसिजनको आधारमा पराजित गरे ।
उक्त छनौट चरणमा नेपाल बक्सिङ्ग संघका अध्यक्ष एवम् ओलम्पिक कमिटिका सदस्य राम अवाले, उपाध्यक्ष किरण बहादुर श्रेष्ठ, केन्द्रीय सदस्य एवम् ओलम्पियिन राम बहादुर गिरि, केन्द्रीय सदस्य ओम नारायण श्रेष्ठ, मान बहादुर भण्डारी, तालिम तथा प्रशिक्षण विभागका निर्देषक एवम मुख्य प्रशिक्षक प्रचण्ड शर्मा तथा तालिम तथा प्रशिक्षण विभागका उप निर्देषक एवम ओलम्पियन विष्णु बहादुर सिंह नेपाल बक्सिंगका केन्द्रीय सदस्य एवम् आईटिओज पुष्कर राज पन्त लगायतको विशेष उपस्थिति रहेको थियो ।
