काठमाडौं । पल्सर सहिद स्मारक ए डिभिजन लिगमा मछिन्द्र क्लबविरुद्व विभागीय टिम एपीएफले अग्रता लिएको छ । ललितपुरको सातदोबाटोस्थित एन्फा टेक्निकल सेन्टरमा पहिलो हाफको खेल सकिदाँ एपीएफले २–१ को अग्रता लिएको छ ।
खेलको चौथो मिनेटमा आशिष लामाले गोल गर्दै एपीएफलाई अग्रता दिलाएका थिए । लगत्तै श्याम कुमार नेपालीको पासमा युवराज खड्काले हेडिङ गोल गर्दै एपीएफको अग्रता दोब्बर बनाए ।
३४ औ मिनेटमा मछिन्द्रका अल्बा एडिमोलाले गोल गर्दै गोल अन्तरलाई घटाउने प्रयास गरे । जारी लिगमा मछिन्द्रको यो पहिलो गोल हो ।
एपीएफ १० अंक सहित तालिकाको आठौ स्थानमा छ । मछिन्द्र ३ अंक सहित तालिकाको १३ औ स्थानमा छ ।
