काठमाडौं । पल्सर सहिद स्मारक ए डिभिजन लिगमा सिएमजी संकटा क्लबले फ्रेन्ड्स क्लबलाई पराजित गरेको छ । काठमाडौंको हलचोक मैदानमा सोमबार भएको खेलमा संकटाले फ्रेन्ड्सलाई ३–१ गोल अन्तरले हराएको हो ।
जितसंगै संकटाले शीर्ष स्थानको मनाङसंग अंक बराबरी गरेको छ । संकटाले ९ खेलबाट २४ अंक जोडेको छ । संकटा भन्दा शीर्ष स्थानको मनाङले एक खेल कम खेलेको छ ।
हारसंगै फ्रेन्ड्स ५ अंक सहित ११ औ स्थानमा यथावत छ ।
२५ औ मिनेटमा ईलोन म्याक्सवेलको गोलमार्फत संकटाले पहिलो हाफमा १–० को अग्रता लिएको थियो ।
दोस्रो हाफको पहिलो मिनेटमा प्रिजेन तामाङले गोल गर्दै फ्रेन्ड्स खेलमा फर्काउने संकेत गरेका थिए । तर ५४ औ मिनेटमा कर्नर बल सदुपयोग गर्दै ताम्पी इयर्नेस्टले संकटालाई पुन अग्रता दिलाउन सफल भए । ५७ औ मिनेटमा दिपेश आलेमगरले गोल गर्दै संकटाको जित निश्चित गरेका थिए ।
जितसंगै संकटाले उपाधि होडमा आफुलाई कायम राखेको छ । संकटाको जितले शीर्ष स्थानको मनाङ र तेस्रो स्थानको थ्री स्टार माथि दबाब बढेको छ ।
-1736575369.jpg)
