ललितपुर । चीनमा आयोजना हुने१९ औं एशियन गेम्सका लागि बक्सिङ खेलको प्रारम्भिक छनोट अन्तर्गत महिला ५० केजी तौल समूहको फाइनलमा बागमती प्रदेशकी अस्मिता दुवाल र लुम्बिनी प्रदेशकी माया केसीले प्रतिस्पर्धा गर्ने भएकी छन् ।
छनोट अन्तर्गत मंगलबार एपीएफकी नन्जा बुढामगरलाई पराजित गर्दै माया फाइनल पुगेकी हुन् । यस्तै स्वीट साईन्स बक्सिङ क्लब काठमाडौंकी रमिशा श्रेष्ठलाई हराउँदै दुवालले फाइनल पुगेकी हुन् ।
महिला ५७ केजी तौल समूहमा बक्समाण्डु बक्सिङ क्लब काठमाडौंकी खेलाडी पेमा शेर्पालाई हराएर एपीएफकी निता गोसाई फाइनल पुगेकी छिन् । यसै स्पर्धामा नुवाकोट जिल्ला भाईब बक्सिङ क्लबकी रक्षा जिसीलाई हराएर आर्मी क्लबकी चन्द्रकला थापाले फाइनल पुगेकी छन् ।
पुरुष ५१ केजी तौलको फाइनलमा पुलिसका चन्द्र बहादुर थापा र नेपाल आर्मीका सुशील थापा भिड्ने छन् ।
पुरुष ५७ केजीको फाइनलमा बागमतीका बुद्ध ग्याम्जो लामा र नेपाल पुलिस पुरन सुनुवार भिड्ने छन् ।
पुरुषकै ६३.५ केजीको फाइनलमा बागमतीका सोहन राई र मौषम रानामगर भिड्ने छन् ।
पुरुष ७१ केजीको फाइनलमा लुम्बिनीका विकास रानामगर र पुलिसका दिपेश लामा प्रतिस्पर्धा गर्दा पुरुष ९२ केजी तौलमा आर्मीका महेन्द्र केसीले फाइनल पुगेका छन् ।
