काठमाडौं । च्यासल युथ क्लबले पल्सर सहिद स्मारक 'ए' डिभिजन लिग फुटबलमा चौथो जित निकालेको छ । शनिबार भएको खेलमा ब्रिगेड ब्वाईजलाई २ - ० ले पराजित गर्दै च्यासलले चौथो जित निकालेको हो ।
हलचाेक मैदानमा च्यासललाई जित दिलाउन सन्त बहादुर गुरुङ र संजोक राईले एक एक गोल गरे । पहिलो हाफ गोलरहित बराबरीमा सकिएको खेलको दोस्रो हाफमा दुई गोल गर्दै च्यासलले जित निकालेको हो ।
खेलको ६५ औं मिनेटमा सन्त बहादुरले गोल गर्दै च्यासललाई सुरुवाती अग्रता दिलाएका थिए । त्यसपछि खेलको ८२ औं मिनेटमा संजोकले गोल गर्दै च्यासललाई २ - ० को जित दिलाए ।
खेलमा च्यासलका संजोक राई म्यान अफ दि म्याच चुनिए ।
जितसंगै च्यासलले ८ खेलबाट १३ अंक जोडेको छ । र, च्यासल लिगको पाँचौ स्थानमा उक्लिएको छ । ब्रिगेड ४ अंक जोडेर १२ औं स्थानमा रहेको छ ।
-1736575369.jpg)
