काठमाडौं । पल्सर सहिद स्मारक 'ए' डिभिजन लिग फुटबलमा अहिले च्यासल युथ क्लब र ब्रिगेड ब्वाईज क्लबबीच प्रतिस्पर्धा भईरहेको छ ।
एन्फा कम्प्लेक्स सातदोबाटोमा जारी खेलको पहिलो हाफ सकिदा दुवै टोलीले गोलरहित बराबरी खेलिरहेका छन् । खेलमा च्यासलले बल पोजिसनमा पकड जमाएपनि गोल गर्न सकेनन् ।
खेलको १७ औं मिनेटमा च्यासलका सन्तोष साहुखलको फ्रिकिक पोस्ट माथिबाट बाहिरिएको थियो । यस्तै २१ औं मिनेटमा अमिर श्रेष्ठको पासमा सन्तोषकै ब्याककिक प्रहार ब्रिगेडका गोलकिपर सागर रायले बचाएका थिए । यस्तै पहिलो हाफको इन्जुरी समयमा सन्तोषकै प्रहार किपर सागरले बचाए ।
आज दुवै टोली जित निकाल्ने लक्ष्यसहित मैदान उत्रिएका छन् । लिगमा च्यासल १० अंक सहित तालिकाको सातौ स्थानमा छ । ब्रिगेड ४ अंक सहित १२ औ स्थानमा छ ।
-1736575369.jpg)
