आशुतोषको अलराउन्ड प्रदर्शनमा गोल्डेनगेट च्याम्पियन 

काठमाडौ । आशुतोष घराइयाको अलराउन्ड प्रदर्शनमा गोल्डेनगेट कलेजले दोस्रो संस्करणको अन्तर कलेज प्याट्रियोट्स कप टी-ट्वान्टी क्रिकेट प्रतियोगिताको उपाधी जितेको छ । 

मुलपानी मैदानमा शनिबार भएको फाइनल खेलमा गोल्डेनगेटले ब्लुवर्ड कलेजलाई २७ रनले पराजित गरेको छ । 

गोल्डेन गेटले दिएको १ सय ४९ रनको लक्ष्य पछ्याएको ब्लुवर्डले १८ ओभर ५ बलमा अलआउट हुँदै १ सय २१ रन मात्र बनायो । 

ब्लुवर्डका लागि दिपक डुम्रेले ३२ रन बनाउँदा सन्दीप सिंह बिष्टले २० रन बनाए । रोनिम तिवारी १९ रनमा आउट हुँदा निर्भिक पाठकले १० रन बनाए । 

रवि शाह र आशुतोष घराइयाले समान २/२ तथा तृप्त राज दास र अलफज मन्सुरले समान १/१ विकेट लिए । 

त्यसअघि टस जितेर पहिले ब्याटिङ गरेको गोल्डेनगेटले २० ओभरमा ६ विकेट गुमाएर १ सय ४८ रन बनायो । 

गोल्डेनगेटका लागि आशुतोष घराइयाले ५५ बलमा ६५ रनको अर्धशतकीय ईनिङ खेले । तृत राज दास र सहिल पटेल समान १९१९ रनमा आउट भए । 

ब्लुवर्डका मिहोल श्रेष्ठ र कौशल रुपाखेतीले समान २/२ विकेट लिए । 

ललितपुर प्याट्रियोट्स प्राइभेट कम्पिनीको आयोजनामा जारी यस संस्करणको प्रतियोगितामा १२ कलेजको सहभागीता रहको थियो ।  

मुलपानी क्रिकेट मैदानमा हुने यस प्रतियोगिताको व्यबस्थापन आडियासप नेपालले गरेको थियो ।  

प्रतियोगिताको बिजेता गोल्डेनगेट कलेजले १ लाख र उपबिजेता ब्लुवर्ड कलेजले ५० हजार नगद प्राप्त गरेको छ ।