पाकिस्तानविरुद्ध अफगानिस्तानको ऐतिहासिक जित

काठमाडौं । अफगानिस्तानले आफ्नो क्रिकेट इतिहासमा पहिलो पटक पाकिस्तानलाई हराएको छ । 

पाकिस्तानविरुद्धको पहिलो टी-ट्वान्टी अन्तराष्ट्रिय अफगानिस्तानले ६ विकेटले जितेको छ । 

सारजाहमा शरक्रार राती भएको खेलमा अफगानिस्तानले पाकिस्तानविरुद्ध कुनैपनि खेलमा पहिलो पटक जित निकालेको हो ।

पाकिस्तानले दिएको ९३ रनको विजयी लक्ष्य अफगानिस्तानले १७ ओभर ५ बलमा ४ विकेट गुमाउँदै पूरा गर्यो ।

अफगानिस्तानलाई जित दिलाउन मोहम्मद नाबी ३८ बलमा अविजित ३८ रनमा  बनाए । नजिबउल्लाह जद्रान २३ बलमा १७ रनमा अविजित रहे । 

पाकिस्तानका लागि इहसानउल्लाहले २ तथा नसिम साह र इमाद वासिमले समान १/१ विकेट लिए ।

पाकिस्तानका लागि डेब्यु खेल खेलिरहेका इहसानउल्लाहले ३ ओभर ५ बलमा १७ रन खर्चेर २ विकेट लिए । 

त्यसअघि टस जितेर पहिला ब्याटिङ गरेको पाकिस्तानले २० ओभरमा ९ विकेट गुमाउँदै ९२ रन बनायो । 

पाकिस्तानका इमाद वासिमले ३२ बलमा सर्वाधिक १८ रन बनाउँदा सैम अयुब १७ रनमा आउट भए ।  तयाब ताहिर १६ र कप्तान शादब खानले १२ रन बनाए ।

अफगानिस्तानका फजलहक फारुकी, मुजिब उर रहमान र मोहम्मद नाबीले समान २/२ तथा  कप्तान राशिद खान, नविन उल हक र अजमतुल्लाह ओमरजाईले समान १/१ विकेट लिए ।

पाकिस्तानले बाबर आजम, मोहम्मद रिजवान, इफ्तिखर अहमद, फखार जमान शाहिन शाह अफ्रिदी, हरिस रौफ लगयात खेलाडीलाई यस सिरिजमा विश्राम दिएको छ । नयाँ खेलाडीलाई मौका दिएको थियो ।

दोस्रो टी-ट्वान्टी अन्तराष्ट्रिय खेल शनिबार हुनेछ ।