काठमाडौं । पल्सर सहिद स्मारक 'ए' डिभिजन लिग अन्तर्गत अहिले सिएमजी संकटा क्लब र हिमालयन शेर्पा क्लबबीच प्रतिस्पर्धा भईरहेको छ ।
एन्फा कम्प्लेक्स सातदोबाटोमा जारी खेलको पहिलो हाफ सकिदा संकटा क्लबले २ - ० को अग्रता बनाएको छ । पहिलो हाफमा संकटाका लागि सेड्रिक अबा र दिपेश आले मगरले एक एक गोल गरे ।
खेलको १२ औं मिनेटमा अबाले गोल गर्दै संकटालाई सुरुवाती अग्रता बनाएको थियो । त्यसपछि खेलको १४ औं मिनेटमा दिपेशले गोल गर्दै संकटालाई २ - ० को अग्रता दिलाए ।
आज दुवै टोली जित निकाल्ने लक्ष्यसहित मैदान उत्रिएका छन् ।
आज उपाधि होडमा रहेको संकटा हिमालयन शेर्पालाई हराउँदै शीर्ष स्थानको मनाङ माथि दबाब राख्न चाहन्छ । शेर्पाविरुद्वको जितले संकटाले शीर्ष स्थानको मनाङसंग अंक बराबरी गर्नेछ ।
संकटा ७ खेलबाट १८ अंक सहित तालिकाको तेस्रो स्थानमा छ । शेर्पा ११ अंक सहित छैटौ स्थानमा छ । संकटालाई पराजित गर्दै शेर्पा क्लबलाई समेत अंक तालिकामा सुधार गर्ने अवसर प्राप्त छ ।
-1736575369.jpg)
