काठमाडौं । श्रीलंकाका टेस्ट कप्तान दिमुथ करुनारत्नेले कप्तानी छाड्ने योजना बनाएका छन् ।
आयरल्याण्डविरुद्ध अर्को महिना हुने टेस्ट सिरिजपछि करुनारत्नेले कप्तानी छाड्ने योजना बनाएका हुन् ।
करुनारत्नेले कप्तानी छाड्नका लागि छनोटकर्तासँग कुराकानी गरिरहेका छन् ।
तर, उनको राजीनामा स्वीकृत नभएको बताईएको छ ।
करुनारत्नेले विश्व टेस्ट च्याम्पियनसिपको नयाँ संस्करण नयाँ कप्तानको नेतृत्वमा होस् भन्ने आफ्नो चाहना रहेको बताएका छन् ।
'मैले आयरल्यान्ड सिरिजपछि कप्तानबाट राजीनामा दिने बारे चयनकर्ताहरूसँग कुरा गरेको छु। अर्को विश्व टेस्ट च्याम्पियनसिप, जुन वर्ष गर्नुपर्नेछ। मलाई लाग्छ कि नयाँ कप्तानले आधा गर्नु भन्दा त्यो पूरा चक्र गरे राम्रो हुन्छ,' उनले भनेका छन्, 'मैले यस बारे चयनकर्ताहरूसँग कुरा गरेको छु, तर मैले अहिलेसम्म प्रतिक्रिया पाएको छैन। मेरो प्राथमिकता कप्तानलाई हस्तान्तरण गर्नु हो।'
३४ वर्षीय करुनारत्ने २०१९ मा टेस्ट कप्तान चयन भएका थिए ।
उनको कप्तानीमा श्रीलंकाले १० जित र १० हार व्यहोरेको छ । ६ खेल बराबरी भएको छ।
करुनारत्ने कप्तानी छाडेर आफ्नो ब्याटिङमा केन्द्रित हुन चाहेका छन् ।
-1745252932.jpg)
