काठमाडौं । पल्सर सहिद स्मारक ’ए’ डिभिजन लिगमा संकटा क्लबले न्युरोड टिम एनआरटीलाई पराजित गरेको छ । एपीएफको हलचोक मैदानमा भएको खेलमा संकटाले एनआरटीविरुद्व १–० को संघर्षपुर्ण जित निकालेको हो ।
दोस्रो हाफको इन्जुरी समयमा अफ्रिकन खेलाडी म्यासवेलले गोल गर्दै संकटालाई दोस्रो स्थानमा पु¥याउन सफल भए ।
खेलको २० औ मिनेटमा संकटाले अग्रता बनाउने मौका गुमाएको थियो । सेड्रिक अबालेले मिलाएको पासमा सुभाष गुरुङको कडा प्रहार पोस्टमा लागेर बाहिरिएको थियो ।
४१ औ मिनेटमा सुभाषको फ्रिकिकमा रवि सिलवालले हेड गोल गरेपनि रेफ्रीले त्यसलाई अफसाईड देखाएका थिए ।
जितपछि संकटा ७ खेलबाट १८ अंक जोड्दै शीर्ष स्थानको मनाङसंग अंक बराबरी गरेको छ । प्राप्त जितले संकटालाई तालिकाको दोस्रो स्थानमा पु¥याएको छ । एनआरटी तालिकाको पुछारमा यथावत रह्यो ।
एनआरटीका गोलकिपर अजित प्रजापति म्यान अफ दी म्याच घोषित भए ।
-1736559847.jpg)
