काठमाडौं । पल्सर सहिद स्मारक ए डिभिजनमा विभागीय टिम पुलिस र हिमालयन शेर्पा क्लबले बराबरी खेल्दै अंक बाँडेका छन् । लिगको सातौ चरणको पहिलो खेलमा पुलिस र हिमालयन शेर्पाले १–१ गोलको बराबरी खेल्दै अंक बाँडेका हुन् ।
एपीएफको हलचोक मैदानमा पहिलो हाफमा लिएको अग्रतालाई जोगाउन नसक्दा पुलिस बराबरीमा चित्त बुझाउन बाध्य भयो । ३२ औ मिनेटमा तेज तामाङको पासलाई सदुपयोग गर्दै भरत साहले पुलिसलाई अग्रता दिलाएका थिए ।
विश्वास श्रेष्ठले खेलको ७० औ मिनेटमा गोल गर्दै खेल बराबरीमा ल्याएका थिए । पुलिस ७ खेलबाट ११ अंक जोडेर तालिकाको पाँचौ स्थानमा छ । समान अंक भएपनि गोल अन्तरका आधारमा हिमालयन शेर्पा छैटौ स्थानमा छ ।
हिमालयन शेर्पाबाट बराबरी गोल फर्काएका विश्वास म्यान अफ दी म्याच घोषित भए ।
-1736559847.jpg)
