काठमाडौं । पल्सर सहिद स्मारक 'ए' डिभिजन लिग फुटबलमा ब्रिगेड ब्वाईज क्लब र मछिन्द्र क्लबले बराबरी खेल्दै अंक बाडेका छन् । बिहिबार भएको खेलमा ब्रिगेड र मछिन्द्रले गोलरहित बराबरी खेल्दै अंक बाडेका हुन् ।
एन्फा कम्प्लेक्स सातदोबाटोमा दुवै टोलीले उत्कृष्ट प्रदर्शन गर्न सकेनन् । यस्तै पाएको केहि मौका गुमाउदा बराबरी खेल्दै अंक बाड्न बाध्य भए ।
पहिलो हाफमा ब्रिगेडले गोलको उत्कृष्ट अवसर सिर्जना गरेपनि गोल गर्न सकेनन् । खेलको ४५ औं मिनेटमा ब्रिगेडका कैलाश बस्नेतको हेड पोलमा लागेर फर्किएको थियो । कैलाशले ऋतिक खड्काको पासलाई सदुपयोग गरेपनि पोलमा लाग्दा ब्रिगेड जित निकाल्नबाट चुकेको थियो ।
खेलमा ब्रिगेडका जय गुरुङ म्यान अफ दि म्याच चुनिए ।
बराबरीसंगै ब्रिगेडले ६ खेलबाट ४ अंक जोडेको छ । ब्रिगेड लिगको १२ औं स्थानमा छ । मछिन्द्रले ६ खेलबाट ३ अंक जोडेको छ । मछिन्द्र १३ औं स्थानमा छ ।
-1736559847.jpg)
