पहिलो हाफमा फ्रेन्ड्स र आर्मीकाे बराबरी

काठमाडौं । पल्सर सहिद स्मारक 'ए' डिभिजन लिग फुटबलमा अहिले त्रिभुवन आर्मी क्लब र एनआईबीएल फ्रेन्ड्स क्लबबीच प्रतिस्पर्धा भईरहेको छ ।

एन्फा कम्प्लेक्स सातदोबाटोमा जारी खेलको पहिलो हाफ सकिदा आर्मीले तुलनात्मक कमजोर टिम फ्रेन्ड्ससंग गोलरहित बराबरी खेलेको छ । 

बल पोजिसनमा पकड जमाएपनि आर्मीले फ्रेन्ड्सविरुद्ध गोल गर्न सकेनन् । आर्मीको आधा दर्जन प्रहार फ्रेन्ड्सका गोलकिपर देव लिम्बुले विफल बनाईदिएका थिए  ।  

आज दुवै टोली जित निकाल्ने लक्ष्यसहित मैदान उत्रिएका छन् ।

लिगको उपाधि दाबेदार विभागीय टिम आर्मी फ्रेन्ड्सविरुद्व जित निकाल्दै तालिकाको दोस्रो स्थानमा उक्लने योजनामा छ । यस्तै फ्रेन्ड्स आर्मीलाई हराएर अंक तालिका सुधारगर्न चाहन्छ ।

आर्मी ५ खेलबाट १३ अंक सहित तालिकाको चौथो स्थानमा छ । फ्रेन्ड्स ४ अंक सहित तालिकाको १० औ स्थानमा छ ।