पोखरा । नवौं राष्ट्रिय खेलकुद अन्तर्गत एथलेटिक्सको ४ सय मिटर महिला हर्डल्समा त्रिभुवन आर्मी क्लबकी जयरानी थारुले राष्ट्रिय कीर्तिमानसहित स्वर्ण पदक जितेकी छिन् ।
पोखरा रंगशालामा आइतबार भएको खेलमा जयरानीले निर्धारित दुरी १ मिनेट ०४.१३ सेकेन्डमा पूरा गर्दै कीर्तिमानसहित स्वर्ण जितेकी हुन् ।
जयरानीले आफ्नै नामको कीर्तिमान सुधार गरेकी हुन् ।
जयरानीले यस अघि ४४ औं राष्ट्रिय एथलेटिक्स प्रतियोगितामा १ मिनेट ०७ दशमलब २ सेकेन्डको कीर्तिमान बनाएकी थिइन् ।
यस स्पर्धामा एपीएफकी भागीरती कुमारी थारुले १ मिनेट ०६.०६ सेकेन्डमा पूरा गर्दै रजत जितिन् ।
एपीएफकै कल्पना श्रेष्ठले १ मिनेट ०६.५१ सेकेन्डको समय निकाल्दै कास्य जितिन् ।
