ब्याडमिन्टन संघलाई केटीएम सिटीको प्रायोजन

काठमाडौं । नेपाली ब्राण्ड केटीएम सिटीले नेपाल ब्याडमिन्टन संघलाई प्रायोजन गरेको छ । 

गण्डकी प्रदेशमा सञ्चालन भैरहेको नवौं राष्ट्रिय खेलकुदका लागि केटीएम सिटीले ब्याडमिन्टन संघलाई सहयोग गरेको हो । 

केटीएम सिटीले नवौं राष्ट्रिय खेलकुद प्रतियोगिताका लागि खेलाडी र अफिसियललाई आवश्यक खेल सामाग्री  प्रायोजन गरेको जानकारी दिएको छ । 

प्रायोजन अनुसार खेलाडी तथा अफिसियललाई पोलो टिसर्ट र जर्सी केटीएम सिटीले उपलब्ध गराएको छ । 

यसअघि केटीएम सिटीले ब्याडमिन्टनका राष्ट्रिय प्रतियोगिता सहित विभिन्न खेलसँग सहकार्य गर्दै आएको थियो । 

केटीएम सिटीले आगामी दिनमा समेत नेपाल ब्याडमिन्टन संघसँगको सहकार्यलाई निरन्तरता दिने जनाएका छ । 

शेर्पा आउटडोरको नेपाली ब्राण्ड केटीएम सिटी राष्ट्रिय फुटबल टिम सहित विभिन्न खेलको आधिकारिक किट पार्टनर रहेको छ ।