काठमाडौं । सुनसरी ब्याडमिन्टन संघलाई नेपाली ब्राण्ड केटीएम सिटीले प्रायोजन गरेको छ ।
जिल्लामा भएको खुल्ला ब्याडमिन्टन प्रतियोगिताका लागि केटीएम सिटीले सुनसरीको ब्याडमिन्टन संघलाई खेल सामाग्री प्रायोजन गरेको हो ।
केटीएम सिटीले सुनसरीमा भएको खुल्ला ब्याडमिन्टन प्रतियोगितामा आयोजक सुनसरी ब्याडमिन्टन संघलाई खेल सामाग्री र अफिसियल तथा खेलाडीलाई टिसर्ट, जर्सी प्रायोजन गरेको थियो ।
सुनसरी जिल्ला ब्याडमिन्टन संघको आयोजना तथा त्रियोग ब्याडमिन्टन क्लब धरानको सह आयोजनामा असोज ६ देखि ८ गतेसम्म भएको प्रदेश एवंम अल नेपाल खुल्ला भेट्रान्स प्रतियोगिता सञ्चालन भएको थियो ।
सुनसरी ब्याडमिन्टनका भवानी आङदेम्बेले प्रायोजन सहयोगका लागि केटीएम सिटीलाई धन्यवाद प्रमाण पत्र प्रदान गरेका छन् ।
नेपाली ब्राण्डको रुपमा आफुलाई अन्तराष्ट्रिय बजारमा समेत विस्तार गरिरहेको केटीएम सिटीले राष्ट्रिय फुटबल टिम सहित विभिन्न राष्ट्रिय खेललाई प्रायोजन गर्दै आएको छ ।
